اولسام ديليم ديليم دئمه رم پئشمانام وطن آند ايچميشم قانيملا يازام؛ "قوربانام وطن"

بو بيزيم وطنيميز دير...

                                                                 
خريطه ده
            آج كوپكلريني چئينه ديي
            قويون دري سينه بنزه ين
ايينه كيمي اؤزو لوت
                         اؤزگه لري بزه ين
آياغيني ايتلر
ياخاسيني بيتلر يئين
بو بيزيم وطنيميزدير
آزادليق دئمك دن
                         ييرتيلان بوغازي لا
جهنم قيشي لا
جنت يازي يلا
پول پول جيبلره دولان
                        نفتي يله قازي يلا
بو بيزيم وطنيميزدير.
آغلاماقدان
                       گؤزلرينده ياش قالمادي
صاباحيني دوشونمه يه
                       بير عافيللي باش قالمادي
بو بيزيم وطنيميزدير
قانلي كؤينه يي اينيه ياپيشيق
او يانيب بيز يانميشيق
وطن خارابايا دونندن سونرا قانميشيق
بو بيزيم وطنيميزدير
گئجه سي ظولمت
گؤندوز قارانليق
كده ري ابدي
سئوينجي بير آنليق
اؤزو بويدا زيندان
اؤزو بويدا قبريستانليق
بو بيزيم وطنيميزدير!
اؤزو ده بيلمير هارا تله سير
                                غلطيني آختارير
هله ايندي
                                ديليني ميللتيني آختارير
اؤزو اؤزونو اؤلدوروب
                                اؤز چينينده آپارير...
بو بيزيم وطنيميزدير!
پيس گونويله خوش گونويله
دايم الي بوش گونويله
قاچقينيله كؤچكونويله
بو بيزيم وطنيميزدير!
ساتديلار
         ساتيلاسي دئييل
الدن گئدير
           توتولاسي دئييل
آجيليغيندان يئيله سي
شيرين لييندن آتيلاسي دئييل
نه اولسادا عزيز دير
ياشاياق گرك نئيله يك
بو بيزيم وطنيميزدير!
بو بيزيم وطنيميزدير!
نوامبر 1995 نصرت كسمنلي                                                         

|+| نوشته شده توسط کولگه در جمعه چهاردهم بهمن 1384 ساعت 2:40 |

گئتمك ايسته ييرسن

                                                                 ‏
گئتمك ايسته ييرسن
بهانه سيز گئت
اوياتما مورگولو خاطيره لري
سسين همن سسدير باخيشين اوگئي
گئديرسن
       سسين ده ياد اولسون باري...
سن دنيز قوينونا توللانميش چيچك
اوستونه دالغالار آتيلاجاقدير
ساختا محبتين
                   ساختا سند تك
نه واختسا اوستونده توتولاجاقدير.
دوشه نيب يوللار تك آياقلارينا
سنه يالواريم مي...
                       بو مومكون دئييل!
قويمارام قلبيم تك ووقاريم دا سينا
آلچاليب ياشاماق عومور-گون دئييل.
دئميرم اوجا بير داغسان اييل
دميرم قاليبدير علاجيم سنه.
نه سنده محبت قارا پول دئييل
نه من ديلنچيم ال آچيم سنه...
گئتمك ايستيير سن...
                         او يول او دا سن...
بير جوت باخاجاخ آرخانجا سنين.
گئتدين مي...
                نه واختسا دؤنمك ايسته سن
تيكانلي ياستيغا دؤنه جك يئرين.
گئتمك ايستييرسن...
                         نه دانيش نه دين!
يوخ اول اوزاقلارتك دوماندا چمده...
نه ييمي سوميشدين؟
                        دئييه بيلمدين
ايندي يوز عيب گورورسن منده
گئتمك ايستيير سن
                             بهانه سيز گئت
اوياتما مورگولو خاطيره لري
سسين همن سسدير
                        باخيشين اوگئي
گئدير سن سسين ده ياد اولسون باري...

سوز:نصرت كسمنلي

توپلايان:تورج  

                                                                                                                                

|+| نوشته شده توسط کولگه در جمعه چهاردهم بهمن 1384 ساعت 2:25 |

آیدینلاتما

من و منیم عزیز دوستوم شبنم خانوم گئچن لرده بیر نئچه بحث لر آچمیشیدوخ و بی آرادا من عزیز دوستوم قره باغ دان ایستدیم کی شبنم خانوما بیر نئچه شئی آیدینلاتسین و من بو علت شبنم خانوما جواب ورمک ایچین قره باغ دان یاردیم ایستدین کی شبنم خانوم منیم سوزلریمه توجه ائلمیردی و منی بیر افراط گرا آدام تانییردی  کی سیز عزیز لرینده او بحث لرین ائشیتمسینی ایستدیم :

بحث :فارس و تورک و تورکی دیلینه گوره بیر نئچه آیدینلاتما

بو صفحه شبنم خانیمین منه وردیگی جواب http://shabnam02.blogfa.com/

کی من سوزلرینین ٪۹۸ رد ائلیرم

و بو دا عزیز قره باغین وردیگی جواب:

http://www.qarabaq.azerblog.com/?p=951

 

سیزلرین ده مکتوب لارینیزی گوزلییرم.

یاشاسین آذربایجان ملی فعاللاری.

 

|+| نوشته شده توسط کولگه در سه شنبه یازدهم بهمن 1384 ساعت 3:9 |