اوْد نفسين داغلارا دوشسون.  

                       تيترسين يئر؛

 بو اومودسوز گئجه نين سون ايشيغيندا،

 يئر گويه، ولوه له دوشسون.

 هايدي بوزقوردوم اولا

 چک حقارت اته يين دارماداغين سال؛

 چيينه يالتاقليق ائدن ديللري سن.

  بوردا تولکو،

   بوردا ايت،

               بوردا چاققال بالالير.                             

 بوردا تورکم دييه ني،

                              فارس دالايير.

 هايدي بوزقوردوم اولا

 بوردا حسرت گئجه نين سوْن چيراغي،

                            سؤنمه ميشدن سن اولا.

  مرد ايگيدلر ياتيب آنجاق

                           قوْي آييلا،

 گؤره نامرد گؤزون خور باخاراق ناموسونا؛

 گؤره بير ميلتينين طالعيني

 اولا بوزقوردوم اولا

 مئشه لر بيرده آييلسين؛

 تئشه لر بيرده اتيلسين

 داغلارين کوکسونه باس سن هارايي،

                    پاتلاسين نيفرته دولموش اوره يي.

 اؤزگه لر دامغاسيني،

            گؤرمه سينلر به به لر؛

 ده ده لر بيرده آييلسا،

                         هه ده لر.

بوردا اوزگورلويو سسله ينين، 

بوغولوبدور هارايي؛

داغيليبدير اوره يي؛

آلينيبدير چوره يي؛

ديکيليبدير دوداغي؛

ساراليبدير بوداغي.

اولا بوزقوردوم اولا؛

               الي تيترر،

               آلني تر،

يئتر آخر بو حقارت.

مني آل کوکسونه باخ گؤزلريمه

      مني ديندير او جسارت باخاراق مرد ايگيد گؤزلرينه

 اولا بوزقوردوم اولا؛

 اوْلارام منده سنين تک.

 اولارام منده سنين تک.

آ…….….……...و.………….…..ع.

سوز:مسعود هارای