آناسوتی حرام اولسون آنادیلین بیلمه یه نه

اولسام ديليم ديليم دئمه رم پئشمانام وطن آند ايچميشم قانيملا يازام؛ "قوربانام وطن"

آذربایجان

آذربايجان آدين اوددور اوزون ايشيق سؤزون ايشيق
بيزده سنين بو مقدس تورپاغيندا بوي آتميشيق
سنسن بيزيم بو دونيادا مسلكيميز آماليميز
يولوموزا ايشيق ساچسين اولدوزوموز هيلاليميز

نفسيميز اؤلو قورقود دده ميزين اؤز نفسي
ماهنيميزدا ياشار بيزيم بابالارين آدديم سسي
بو تورپاقدا بو ديياردا دونن وارديق بو گون واريق
بيز كئچميشه گوونديكجه گوونديكجه گلجه يه آدديملاريق

وطن بيز سيز ده كئچينير كئچينمه ريك بيز وطنسيز
بو مراملا بوي آتميش چنلي بئل لر اوستونده بيز
شهيدلرين قاني ايله يوغرولوبدور تورپاغيميز
قلبيميزده دالغالانير اؤز اوچ رنگلي بايراغيميز

قارداشليق دير شعاريميز بيز هميشه ال توتانيق
دوشمن بيزه ال اوزاتسا دوشمنليگي اونودانيق
كؤنلوموزده بير واحد دير گؤنئيميز قوزئيميز
وطن بيزيم ناموسوموز بيز وطنيك وطن ده بيز
سوز:بختيار واهابزاده 1991

|+| نوشته شده توسط کولگه در دوشنبه بیست و هشتم فروردین 1385 ساعت 12:4 |

آذربایجان عسگری

اذربايجان تورپاغيندا بوي آتميشيق بيز
تاريخلرين او تاييندان گلير اصليميز
بير دوشمنه باش ايمه دي اوغوز نسليميز
بابالارين قاني آخير داماريميزدان
آذربايجان عسگر ييك بو آدا قوربان
آذربايجان عسگر ييك بو آدا قوربان

باشيميزين اوستونده دير اوچ رنگلي بايراق
اوليميز آخيريميز بو آنا تورپاق
بو تورپاغين كئشيينده عزم ايله دورماق
بو ميللتين اوغلو اوچون شهرت شرف شان
آذربايجان عسگرييك بو آدا قوربان
بو آدا قوربان هئي بو آدا قوربان
آذربايجان عسگر ييك بو آدا قوربان

قارا تورپاق وطن اولدو هونريميزدن
هونريميز خبر وئرسين ظفريميزدن
شهيد روحو باخير بيزه گويلريميزدن
سر حد چكك سينه ميزدن يوردا هر زامان
آذربايجان عسگر ييك بو آدا قوربان
بو آدا قوربان هئي بو آدا قوربان
آذربايجان عسگر ييك بو آدا قوربان
سوز:بختيار واهابزاده 1992

|+| نوشته شده توسط کولگه در دوشنبه بیست و هشتم فروردین 1385 ساعت 12:0 |

وطن مارشی

ائي آذربايجانيميز تورك اوغوزلار وطني
ار اوغوللار ار ايگيدلر قيزلار وطني

كؤكوموز تورپاغين آلتيندا ياتان جدلريميز
موهروموز تورپاغين اوستونده كي معبد لريميز

سن فيكير قايناغي سؤز چشمه سي اؤد مسكني سن
بويوك آماللا بو دنيايا تانيتدين سني سن

بيز وطن مجنونو ائل عاشيقي صولح عسگرييك
بيز وطن نامينه اؤلسه ك ديريلردن ديرييك

آزاد اؤلموش داها دوشمن چيراغيندان ياغيميز
بيزيم ايستيقلاليميزاولدو فيكير بايراغيميز

بيزي قارداش بيلن هر ميللتي قارداش بيلريك
بوتون اينسانليغا دونيادا سعادت ديلريك

سنين حاققيندير آزادليق سنين عشقين دير ايمان
تاپيلار حاققا و اينسانليغا حاقدان دوغولان
سؤز:بختيار واهابزاده مارت1992

|+| نوشته شده توسط کولگه در دوشنبه بیست و هشتم فروردین 1385 ساعت 11:44 |

وطن مجنون لوغو

وطن مجنونو شاعير خليل ريضانين
وطن يولوندا شهيد اولموش
اوغلو" تبريز" ين عزيز خاطيره سينه
خليل من نه دئيم سنه بو گونده
طالع قييمايايدي بو درده سني
داغ كيمي داياندين دردين اونونده
سينديرا بيلمه دي بو درد ده سني

دردي مصيبتي اوزده چكنين
دردي مصيبتي ظاهيرينده دير
سن ايچدن چكيرسن...
گورورم سنين
بو چكيلمز دردين چوخ درينده دير

وطن يولوندا كيمي قان آغلار
كيمي ده جان وئرر...
سن سه اولدون
وطن چين پولوندان كئچمه ين لر وار
دوغماجا بالاندان كئچن اولدون

دؤزومون مرد لي ين غمي ده داندي
دوندو چيخانمادي درد اليندن
كدر قورخوب قاچدي غم ده اوتاندي
سنين مرد لييندن كيشي لييندن

كيمي سوز له ياشار كيمي عمل له
سن قولو اولموسان اؤز عقيده نين
"تبريزين دشمني آتديغي گولله
آلدي باريتيني شعريندن سنين

حاقليسان ياراشماز سنه غم كدر
سن اؤز مرد ليينله نامردي قاندير
يالنيز تبريز دئيل بوتون شهيدلر
سنين اؤز معنوي اولادلارين دير

ضرورت گئينير تصادف دونو
طالع دير قيسمتين طالع دير آدين
ائي ميللت دليسي وطن مجنونو
شاهد اولمايايدي سنين اولادين

دئديك " قهرمانلار ياتير مزاردا
ايندي قهرمانليق يالنيز سوزده دير"
قهرمان آختارديق بيز اوردا بوردا
بيلمديك قهرمان ايچيميزده دير.
سوز : بختيار واهابزاده
6فئورال1992

|+| نوشته شده توسط کولگه در دوشنبه بیست و هشتم فروردین 1385 ساعت 11:33 |

لاچین

سس دوشدو داغلارا داشلارا قاچين
تالاندي قاراباغ آليندي لاچين
گلمه ديم گلمه ديم آغاردي ساچين
باغيشلا قارداشيم باغيشلا باجيم
كلبجر دن اسن اسينه گلديم
فضولي دن قالخان سسينه گلديم
تويونو گورمدن ياسينا گلديم
باغيشلا قارداشيم باغيشلا باجيم
خوجالي خان كندي دئيب دولانديم
قاپيلار باغلاندي يولا جالانديم
درد اولوب ايچيمه دولوب قالانديم
باغيشلا قارداشيم باغيشلا باجيم
شوشانين داغينا داشينا گلديم
آغلادين گوزونون ياشينا گلديم
گئج اولدو...
باغيشلا قارداشيم باغيشلا باجيم.
سوز:دوقتور داشقين

بو شعری اوخویاندا گوزلریم دولور.

|+| نوشته شده توسط کولگه در دوشنبه بیست و هشتم فروردین 1385 ساعت 2:59 |