آناسوتی حرام اولسون آنادیلین بیلمه یه نه
اولسام ديليم ديليم دئمه رم پئشمانام وطن آند ايچميشم قانيملا يازام؛ "قوربانام وطن"
آذربايجان ائلي
بيز دنيانين قورخو بيلمز بير قهرمان ائلييک
آلاو لاردان يارانميش آذربايجان ائلييک
*******
يوردوموزي ياشاداجاق آديميزلا، سانيميز
هندوستانين داغلاريندان محکم دير ايمانميز
تاريخلرين زينتي دير،شهرتميز-شانميز
بونا شاهد بدن ده کي ايليگيميز، قانميز
بيز دنيانين قورخو بيلمز بير قهرمان ائلييک
آلاو لاردان يارانميش آذربايجان ائلييک
*******
بيزبير ائليک بيلسين هامي آنديميزدير ،سؤزوموز
خائنلره مرحمتله باخا بيلمز گؤزوموز
خالقيميزي حفظ ائتميشيک ايللربويو، ئوزوموز
تيکلمه ميش يئره بيزيم آلني آچيق اٌوزوموز
بيز دنيانين قورخو بيلمز بير قهرمان ائلييک
آلاو لاردان يارانميش آذربايجان ائلييک
*******
بير يولوموز وار اودا ، حريتين يولودو
باشدان-باشا اٌوره گيميز صداقتله دولودير
آذربايجان ائلي ، حققين بوکلميه ن قولودير
دوستلاريميز بيزه گول دير ، دوشمان تيکان کولودير
بيز دنيانين قورخو بيلمز بير قهرمان ائلييک
آلاو لاردان يارانميش آذربايجان ائلييک
*******
سود وئريبدير بيزه آنا،ايشيغيندا اولکه لرين
بسلنميشيک قوجاغيندا، آل گونشلي سحرين
هر يئريني بوروموشوک قافلانکي نين-خزه رين
آلير بيزدن بوتون ائللر سوراغيني ظفرين
بيز دنيانين قورخو بيلمز بير قهرمان ائلييک
آلاو لاردان يارانميش آذربايجان ائلييک
ياشاسين ائليم آذربايجان
|
+| نوشته شده توسط کولگه در شنبه دوم اردیبهشت 1385 ساعت 14:45
|
