آناسوتی حرام اولسون آنادیلین بیلمه یه نه

اولسام ديليم ديليم دئمه رم پئشمانام وطن آند ايچميشم قانيملا يازام؛ "قوربانام وطن"

بو دیل بیزیم دیل ترکی دیل آنا دیل

بو ديل بيزيم روحوموز عشقيميز جانيميز دير
بو ديل بيري بيريميزله عهد و پيمانيميز دير
بو ديل تانيتميش بيزه بو دنيادا هر شئي
بو ديل اجداديميزين بيزه وئر ديگي قيمتلي خزينه دير
اؤنو گؤزلريميز تك گؤرويوب نسيللره بيزده هديه وئرك
بيزيم اوجا داغلارين سؤنسوز عظمتيندن ياتاغينا سيغمايان چايلارين هيددتيندن
بو توپراغدان بو يئر دن ائلين باغريندان قؤپان يانيغلي نغمه لردن گوللرين رنگ لريندن چيچك لرين
اييندن ميل دوزونون مغانين سؤنسوز گئنيشليگيندن آغ ساچلي بابالارين نقلينده ن كماليندان
دشمن اوستونه جومان او قير آتين ناليندان قوپان سس ده ن ياراندين سن خالقيمين آلديغي او ايلك نفس ده ن ياراندين
آنا ديليم سنده دير خالقين نقلي حكمتي عرب اوغلي مجنونون دردي سنده ديل آچميش اوره ك لره يول آچان فضولينين صنعتي
اي ديليم قدرتينله دنيالارا يول آچميش
سنده منيم خالقيمين قهرمانليقلا دؤلو تاريخي واراقلانير
سنده نئچه مين ايلليك منيم مدنييتيم شان شهره تيم ساخلانير
منيم آديم سانيم سان ناموسوم وجدانيم سان
اي اؤز دؤغما ديلينده دانيشماغا آر بيلن فاستونلي ادا بازلار
قلبينيزه اوخشامير قؤشمالار تئللي سازلار
بونلار قوي منيم اولسون
آنجاق وطن چوره گي سيزلره غنيم اولسون.

|+| نوشته شده توسط کولگه در پنجشنبه بیست و هفتم مهر 1385 ساعت 1:32 |

ترك اوغليام

ترك اوغليام
ترك دنياسي بويوندا ائليم وار منيم
زنگين بير تاريخيم
تانينميش سؤيوم
نغمه لي شعر لي ديليم وار منيم
جهانه بللي دير هنر مئيدانيم
اوزئيري فيكرتي كيم دئير دانيم؟
بم ده حاجي كيمي اول غزل خوانيم
جبار تك سيد تك زيليم وار منيم
پاشالار غنيمي كور اوغلي آتام
بابك تك نر ايگيت قهرمان بابام
دئديكجه فخر ائدير اوجالير آدام
گؤر نئچه داياغيم بئليم وار منيم
باكيم نفت شهريم قيزيل ياتاغيم
آغدام قره باغ دا گلين اوتاغيم
توتوب كائناتي سسيم سوراغيم
اكين ده مغانيم ميليم وار منيم
بويوك بير ميللتم بويوك دير ايزيم
دوغمادير قارداش دير باكيم تبريزيم
من قارتال كيمي نم دقيق دير گؤزوم
هم بير جوت قاناديم گؤلوم وار منيم
ابراهيم زاهد ام بو دور دئمييم
اميد له دؤونور دائيم اوره ييم
خالقين خوشبخت ليگي آرزيم ديلئيم
سمايه اوجالان اليم وار منيم
دعايا اوجالان اليم وار منيم

|+| نوشته شده توسط کولگه در پنجشنبه بیست و هفتم مهر 1385 ساعت 1:31 |

فرانسه اجناسینا بایکوت

فرانسه جینس لرینی بایکوت ائده رک ترک اولاراخ بوینوموزدا کی تکلیفی یئرینه قویاخ.

آشاغیدا کی اجناسین مارک لارینی یادینیزدا ساخلاییب و اونلاردان ایستیفاده ائت مه یک.

Tiras Bicagi - BIC

Cakmak (alishqan)- BIC

Telekom - Alcatel

Oto Lastigi - Michelin, BF Goodrich, Uniroyal

Otomobil - Renault, Peugeot, Citroen

Benzin - Total

Süpermarket - Carrefour

Kirtasiye - BIC, Sheaffer

Yogurt - Danone

Sise Suyu - Danone, Evian

Mutfak Eshyasi - Tefal, Rowenta

Sigorta - AXA

Spor Ekipmani - Rossignol Skis

Bisiklet - Peugot

Giyim - Donna Karan, Givenchy

Sampuan - L'Oreal, Studio Line, Lancome

Sac urunleri - L'Oreal, Studio Line

Cilt Bakim urunleri (krem)- Clarins

Bebek Mamasi, Oyuncak Bledina, Mellin, Majorette

Kozmetik - L'Oreal, Biotherm, Christian Dior, Clarins,

Maybelline, Vichy

Parfum Chanel, Christian Dior, Clarins, Drakkar Noir,

Fahrenheit, Lancome,Lavendar Harvest, Polo, Ralph Lauren

Siment- Insaat Lafarge

Finans - Societe General Bankasi

|+| نوشته شده توسط کولگه در پنجشنبه بیست و هفتم مهر 1385 ساعت 1:29 |

تبريزيم باكيم

تبريزيم باكيم
بير آنانين ايكي گؤزو
اي تبريزيم باكيم منيم
ياراسيندا هيجران كؤزو
قوور ائله ين خاكيم منيم
اي تبريزيم باكيم منيم

بيري آنام بيري آتام
كلاميمدا يوخدور خطام
بيرين توتام بيرين آتام
بو ممكن مي اركيم منيم؟
اي تبريزيم باكيم منيم

آراز گولدو داغا دؤندوم
فرحلي بير چاغا دؤندوم
سؤلا دؤندوم ساغا دؤندوم
سيزي گؤردوم ملكيم منيم
اي تبريزيم باكيم منيم

آستارادا اوجاق ياندي
باغلي قاپي آرالاندي
سئوينجيمدن هاوالاندي
باشيمدا كي بؤركوم منيم
اي تبريزيم باكيم منيم

باخ زامانين تدبيرينه
شفق چؤكوب دان يئرينه
قوناق گئدير بير بيرينه
اردبيليم شكيم منيم
اي تبريزيم باكيم منيم

اوتاي بو تاي اؤز باغيمدير
رنگين كمان داراغيمدير
ساوالان شاه بوداغيمدير
دده قورقود كؤكوم منيم
اي تبريزيم باكيم منيم

اوتاي بو تاي زامان واردي
تويو ياسي بير اولاردي
قاز وئرردي قيز آلاردي
بئله ايدي ايلكيم منيم
اي تبريزيم باكيم منيم

عومور سر كش يئله دؤندو
نه دانيشدي نه ده ديندي
بؤلوننلر بو تؤولندي
ترسه دوشوب بؤلگوم منيم
اي تبريزيم باكيم منيم

دونياميزي دولاندي شر
كؤنلوم اولوب ده يمه دوشر
آراز اوسته ائل گؤروشر
گل اي بختيم منيم سئو گيم منيم
اي تبريزيم باكيم منيم

بير گون گلر آراز داشار
هجران دمي اوزاقلاشار
آيريلانلار قوجاقلاشار
بونا يوخدور شككيم منيم
اي تبريزيم باكيم منيم.
سؤز:هاشم ترلان چاغ:1370

|+| نوشته شده توسط کولگه در چهارشنبه بیست و ششم مهر 1385 ساعت 23:46 |

رحمتلیک عمران صلاحی دن بیر شعر

پارچالاندیق سینمادیق

داش آتانلار بیلمه دیلر

پارچالانمیش آینادا

بیر آیدان مین آی چیخار

بیر گونش دن مین گونش

بیر اولدوز دان مین اولدوز

پارچالاندیق آینا کیمی

چوخالیریق چوخالدیریق ایشیغی

گوندوز گونه عادتی وار.گئجه اولدوزلارا آیا

بوداقلار باهارا

میوه لر یایا

گمیلر دنیزه بالیقلار چایا پنجره لر آچیلماغا

بیر آز تازا هاوایا

آچیق یئل کن عادتی وار یئللره

آراز دلی سئللره

آینا گوزهل لییه داراق تئل لره

غریب آدام عادتی وار وطنه .داغلار دومانا چنه

آیریلیق گونلری منه

من سنه!

|+| نوشته شده توسط کولگه در یکشنبه بیست و سوم مهر 1385 ساعت 2:10 |

İgidlər

Dağlar kimi sinəsi dağ
başı dumanlı olan
igidlərə eşq olsun!
.......

Öz həyatından pay verən
el içinə ışıq saçan
igidlərə eşq olsun!
.......

Əldə qələm, xalqa yaxın acılarını daşıyan
haqqı yazıb, alovtək yalanın xərmənin yaxan
igidlərə eşq olsun!
.......

Torpağına aşiq olan, yar bilib sevgi duyan
yar yolunda candan olan, namusunu qoruyan
igidlərə eşq olsun!
.......

Zalimlərə qarşı çıxan, zülm selinə divar duran
Kör oğlutək, Nəbi kimi, Babək misal qaya olan
igidlərə eşq olsun!
.......

Vaxt varki küləyə dönüb sitəm kökün yerdən qazan
bəzən sərin səhər yeli, gülün saçını darayan
igidlərə eşq olsun!
.......

Ac qalsada baş əyməyən, namərd çörəyin yeməyən
başı uca, ruhu azad, baxışından mərdlik yağan
igidlərə eşq olsun!
.......

Yurdum deyib, elin sevən, millətinə dayaq olan
əli açıq, ilqarı düz, haqqı nahaqqa satmayan
igidlərə eşq olsun!
.......

İstiyərək canın verən, malın verən, ana dilini yaşadan
dillərindən heç düşməyən vətən adı "Azərbaycan"
igidlərə eşq olsun!

|+| نوشته شده توسط کولگه در یکشنبه بیست و سوم مهر 1385 ساعت 1:57 |