آذربايجان بو نه سس دير بو نه هاي....؟
بوردا يئنه نه وار دوشوب هاي هاراي....؟
نئچه نسيل امه گي زاي –عومروزاي
سس سيز اولوب گئدنلرين سسي دير..؟
يوخسابودا بير شيطان نقشه سي دير..؟
نه دير... يئنه ميللت د ئييب بير-بيره
دولت ياپيرامجكلرين تنديره
يئنه شاهلار صابون چكيركنديره
اولكه ميزده دار آغاجي ديكلسين...؟
زندانلار گونو –گوندن يئكلسين ...؟
قاريشيبدي بير- بيرينه كند شهر
ائله بيل قوپن دئييب قند –شكر
تاريخلرده گورونمه يب بوهنر
هامي گليب توكولوبدورتبريزه
بئله گئتسه قان چيخاجاقدير ديزه
خررميلر فرماني دير گوره سن؟
مشروطه نين عنواني دير گوره سن؟
يا فرقه نين ديواني دير گوره سن؟
فدائيلر گئدير بئله صف به صف
هر كس تو توب نيشانلا سين بير هدف
بو نه قيام ..هانسي قانلي دويوشدور
يئنه هانسي قراردادير گوروشدور
ائله بيل كي چوخ قاريشق بير ايشدير
|
+| نوشته شده توسط کولگه در جمعه بیست و پنجم خرداد 1386 ساعت 0:38
| 
